Qorshahan Siyaasadeed oo ay damacsan yihiin inay fuliyaan dadka hadda hormuudka u ah Goboladaas oo ay ku jiraan Jubbooyinka, Baay, Bakool, Gedo iyo Shabeellaha Hoose ayaa si weyn looga dareemay Magaalada Baydhabo.

Maalintii shalay ayaa Magaalada Baydhabo waxaa ka furmay sida la soo sheegayo kulan guud oo ay yeelanayaan ku dhawaad 100 ruux oo isugu jira odayaal dhaqmeedyo, Siyaasiyiin iyo aqoonyahano ka soo jeeda Beelaha Digil iyo Mirifle.

Ujeedada kulankan ayaa waxaa waaye in ay isku cafiyaan Beelaha Digil iyo Mirifle, sida uu sheegay mid ka mid ah ka qeybgalayaasha kadibna loo sameyn lahaa Guddiyo ka soo shaqeeya dhismaha Maamuladaas.

Guddoomiyaha Baarlamaanka Sheekh Aadan Madoobe ayaa waxaa uu sheegay in loo baahan yahay in dib loo soo noolaayo Dowlad goboleedkii Koonfur Galbeed oo mar Madaxweyne ka noqon jiray Shaatigaduud.

Laakiin qorshahaas mid ka duwan oo isna Maamul lagu dhisayo waxaa wata Xildhibaano uu ka mid yahay Col Barre Hiraale
Barre ayaa waxaa uu doonayaa in Ismaamul Goboleed isaga Madaxweyne ka yahay u sameeyo Jubbooyinka sida ay sheegayan wararka.