Shabakadda Bulshaweynta Digil  Mirifle

 shirka dhib u heshiisiinta iyo dhisida maamulgoboleedka Koonfur Galbeed oo galey maalintiisii  15 aad

Magaalada Baydhabo gobolka Bay waxaa ka socda shir ay isugu yimaadeen qeybaha kala gedisan ee 6 gobol ay degaan bulsho weynta Digil Mirifle

Shirkaan oo galey maalintiisi 15aad waxaa loogu Hadley  arrimo badan kuwaas  oo la isku fahmay, ha ahaato dhinaca dib u heshiisiinta iyo nabad ka wada shaqeynta.

Dhamaan ka soo qeygalayaasha shirka ayaa muujinaya niyad samaan iyo rajo wanaagsan kuwaasoo ku tilmaamey shirka inay  ka soo bixi doonaan wax wada qanciya dhamaan umada ku shirsan halkaas.

Inta uu socdey shirkaan waxaa lagu diley Allaha u naxriistee aqoonyahan Ibraahim Maxamed Cabdi oo ka mid ahaa aqoonyahanadii hamiga weyn u hayey wax u qabadka umadooda una soo hurey waqtigiisa iyo danihiisa sidii uu umada uu matalo ugu horseedi lahaa nabad iyo degenaasho. Laakiin nasiib xumo kuwo aan aqoon wanaaga ama qiimaha uu leeyahay aqoonyahanka ayaa si naxriis la'aan ah u diley inta uu socdey shirkaas.

Allaha u naxriistee marxuunka ayaa ahaa xoghaynta shirka qoomiyadaha ergooyinka ka soo qeybgaley shirka kuwaas oo matalaayey dhamaan 6 gobol oo ay degaan qowmiyahada Digil Mirifle sida uu inoo sheegey Maxamed Axmed Cali oo  ku sugan magaalada Baydhabo.

Aqoonyahanada ayaa go'aan ku gaarey inay wadaan sirkooda si ay u rumeeyaan  riyadooda ayna joojin doonin shirka ilaa laga helo hadafka ay leeyihiin oo ah in la helo dhul nabad ah oo dadkiisuna ay mid yihiin .

shirka ajandayaalkiisa waxaa ka mid ah;
1- in dib u heshiisiin dhab ah la gaaro.
2- in la helo nabad iyo deganaansho.
3- in la iscafiyo.
4- in laga hortago aargoosiga.
5- in la helo is dhexgal bulshada dhexdeeda.
6- in la dhiso gole malaaqyada digilmirifle isku raacsan yihiin.

dhamaan bulsho weynta Digil Mirifle ku dhaqan gudaha iyo dibada waxay indhahooda ku aadanyihiin waxa ka soo baxa shirka ka socda magaalada Baydhabo shirkaas oo la filayo inuu noqdo mid umada u horseeda midnimo iyo horumar.
 

Maxamed nuur ibraahim (Aasto)
nuuraasto@bdigilmirifle.com